ஹிட்லர் தேசம்!

விமானத்தில் காலை உணவுக்கு ஒரு பண், Omlette, கொஞ்சம் தயிர், சில வருத்த உருளை பரிமாறப்பட்டது. இதுதான் அவர்களுக்கு 'Asian Vegeterian Meal'. யானை பசிக்கு பொறி உருண்டை!

விமானத்திலிருந்த திரையில் 36000 அடி உயரத்தில் மணிக்கு சுமார் 550 மயில் வேகத்தில் பறப்பதாக காட்டியது. கிழே பூமியை பார்க்க வண்ணமடித்த உலக வரை படம் போல காட்சிதந்தது. மேகங்கள் காலடியில் தவழ்ந்து செல்வதை பார்க்கையில் இதமாயிருந்தது.

10 மணி நேர பயணத்திருக்குப் 'Frankfurt' விமான நிலையத்தில் தரையிறங்கியது. விமான அழகிகள் புன்னகையுடன் வழியனுப்ப விடைபெற்றேன். ஹிட்லர் தேசத்து சுதந்திரக் காற்று சில்லென்று வருடியது. விமானத்திலிருந்து கண்ணாடிப் பேருந்துக்கு மாறியது பயணம். அது எங்களை அடுத்த இலக்குக்கு கூட்டிச்சென்றது. அங்விருந்த அறிவிப்பு பலகையில் 'வாசிங்டன்' செல்லும் எனது அடுத்த விமானத்தின் இருப்பிடம் மற்றும் கிளம்பும் நேரமறிந்தேன்.

அங்கே எப்படிப் போவது? ஐயோ! மொழி தெரியாத ஊரில் வழி தெரியாமல் அலையப்போகிறேன்!!! ஆனால் என் பயம் அர்த்தமற்றது என்பது சிறிது நேரத்தில் புரிந்தது. வழிகாட்டிப்பலகைகளை தொடர்ந்து சென்றாலே போது. விமான நிலையத்துக்குள் பயணிக்க பேருந்து மட்மல்ல தொடர் வண்டி சேவையுமுண்டு.

இரண்டு மணி நேர இடைவெளிக்குப்பின் என் பயணம் தொடர்ந்தது.